அம்மா இங்கே வாவா!

தமிழ் சொல்பேசி / கணினி வழி ஒலிப்பதுக்கான கட்டுமானம்

 

சொல்பேசி

தமிழ் உரைநடை, எழுத்து, செய்திகளை எந்திர வழி ஒலிப்பது பற்றி ஏற்கனவே நிறைய எழுதப்பட்டுள்ளது. நானும் அந்த வரிசையில் ஒரு பதிவு செயதேன்.

தற்போது இங்கு, பேராசிரியர் வாசு அவரது விட்ட இடத்தில் இருந்து அந்த ஒலி உச்சரிப்பு நிரலை  கொஞ்சம் மேம்பாடுகளை செய்து வருகிறேன் : github (Tamil-tts).

உரைவழி ஒலி – TTS

இதில் எனக்கு பிடித்த உரையில் இருந்து ஒலி தயாரிப்பு வழி (tts synthesis method) என்பது “unit selective synthesis by analysis method” எனப்படும். இதனை USS A/S என்றும் ஆராய்ச்சி வட்டங்களில் சொல்லப்படும். இதில் முக்கியமாக என்னவென்றால் இரு நிலைகள் உண்டு :உரை  பரிசோதனை, அடுத்து ஒலி தயாரிப்பு.

முதல் நிலை : உரை  பரிசோதனை

ஒரு உரை செய்தியாக இருக்கலாம், அல்லது உதவி கோரலாகவும் இருக்கலாம். இதன் இரண்டையும் கண்டறிவது உரை பரிசோதனையின் வேலை. அதாவது, “இந்திய அரசு சீன பூகம்ப அபாய நிலையில் உள்ள மக்களுக்கு உதவி அளிக்க முன்வந்தது” என்பது செய்தி வசிப்பவர்போல் ஒரே குரலில் சொல்லலாம். அனால் “காப்பாத்துங்க, வெள்ளம் நீர் கழுத்தை எட்டப்போகுது!” என்பதை உரத்த குரலில் மட்டும் தான் ஒரு எந்திர ஒலிப்பு சொல்லவேண்டும்.

மென்மேலும் தமிழில் homophones சமயோலி கொண்ட சொற்களை சரியாக உச்சரிப்பதற்கு தேவையான மொழியியல் திறனாய்வுகளும் இந்த நிலையில் மட்டுமே ஆகவேண்டும். இவற்றை சொர்கண்டு போன்ற wordnet திட்டங்கள் நமக்கு அளிக்க வாய்ப்பு undu. இதனை parts of speech tagger என்றும் சொல்வது வழக்கம். தமிழில் சமயோலி கொண்ட சொற்கள் எனக்கு சட்டென்று நினைவுக்கு வரவில்லை – இதனை உங்களுக்கு ஏதேனும் உதாரணங்கள் தெரிந்தால் சொல்லவும்.

சொல் இடம் சார்ந்த , சொற்றொடர் சார்ந்த இலக்கண விவரங்களை இத்தகைய POS-கள் உச்சரிக்கும் உரையுடன் கோர்த்து annotations-களாக அடுத்த நிலைக்கு அனுப்பும்.

கடை நிலை : ஒலி உருவாக்குதல்

ஒலி உருவாக்குதல் என்பது ஏற்கனேவே நம்மால் சேமிக்க பட்ட உச்சரிப்புகளை database தரவில் இருந்து எடுத்து கோர்த்து இந்த syllable போன்ற தனிதுவமான உதிர்ப்பூக்களான ஒலிகளை ஒரு பூமாலை போன்று கோர்வையான சொற்றொடர் உச்சரிப்பாக எழுதிவிடலாம். இதை செய்வதில் சில graph optimization கேள்விகளை உருவாக்கி அதன் தீர்வுகளை கண்டெடுத்தால் மட்டுமே நல்ல உச்சரிப்பு கிடைக்கும் என்பது ஒரு தரப்பின் பொறியியல் கணிப்பு.

இப்படிபட்ட ஒன்று தான் கிழே பார்க்கலாம் : “அம்மா இங்கே வாவா” என்ற சொல்லை உச்சரிப்பது பற்றிய கடைநிலை பரிட்சயம். எப்படி கணினி உச்சரிக்கலாம்? 18 வழிகள் உள்ளது:

tts-twitter

ஆனால் எது சரியானது? மேலும் இந்த ஆராய்ச்சியின் தொடர்ச்சியை பற்றி எழுதுவேன்.

முத்து.

 

எழில் உதவி ஆவணம் காட்டி மேம்பாடு

எல்லா மென்பொருளிலுமே ஒரு “Help” (உதவி) மெனு கொடுப்பது IT துறையில் உள்ள ஒரு எழுதாத சட்டம் என்றே சொல்லலாம்.

இப்போது இந்த எழில் செயலி எழுதியில் ஒரு உதவி ஆவணம் கட்டியை முன்னாடியே இணைத்திட்டோம். ஆனால் அது மனசுக்கு பிடித்தமாதிரி இல்லை.

இப்போது இந்த window (சாளரத்தில்) எனக்கு மூன்று விஷயங்கள் பிடிக்கவில்லை; இதற்க்கு படம் 1 உதவியாக இருக்கும்:

  1. புத்தகத்து தலைப்பு “0” என்று சொல்லக்கூடாது; இது நீக்கப்படவேண்டும்.
  2. அடுத்து அத்தியாயங்களின் தலைப்பு இடது பக்கம் ஆரம்பித்து  இருக்கவேண்டும்.

    ezhil_book_screen_updates

    படம் 1:   எ ழுதி உதவி ஆவணம் காட்டி

  3. அடுத்து அத்தியாயத்தின் தலைப்பை பெரிய எழுத்துக்களில் இருக்க செய்யவேண்டும்.

இவற்றை github வழு பட்டியலில் issue என்று பதிவு செய்தேன்

 

 

இதனை GTK3+ documentation கைவசம் வைத்து நிரலை மாத்தி எழுதலாம். இதற்க்கு முன்னும் பின்னும் ஒரு மணி நேரம் மேல் ஆனது.

ஒவ்வொரு முறையும் ezhil-lang/editor/DocView.py என்ற நிரலை மாற்றிய பின் python ezhuthi.py என்று இயக்கி “உதவி > புத்தகம்” என்ற மெனுவில் இருந்து சுடக்கி இதன் தோற்றத்தை சரிபார்க்கவேண்டும்.

எல்லாம் சரியானதும் இது போன்று காட்சி அளித்தது:

ezhil_book_screen_updated

படம் 2: திருத்தம் செய்த நிரலில் “உதவி > புத்தகம்” தோற்றம்

இதனை github-இல் உடனே சேர்த்துவிட்டேன். இப்போது எழில் ஆவணம் காட்டி மேம்பாடு செய்தாச்சு ! மீன்டும் பார்க்கலாம்.

-முத்து

எழில் கற்க வீடியோ பயிற்சி – learn programming videos

தமிழில் எப்படி கணினி நிரலாக்கல் கற்றுக்கொள்வது ? முதலில் எழுதி செயலியை உங்கள் Windows OS அல்லது Linux OS இல் download செய்து, “தமிழில் நிரல் எழுது” என்ற புத்தகம் படி ஒவ்வொரு நிரல் எழுதி, இயக்கி பயிலுங்கள்.


இந்த வீடியோ பட்டியல் உங்களுக்கு கைகொடுக்கும்.

கடைசி கட்டம் – நிரல் உரைதல்

வெளியீடு செய்யும் முன் ஒரு மென்பொருளில் சில வழிமுறைகளை பின்பற்றுவது பொறியியல் நடைமுறை.

  1. தனி பரிசோதனை (unit tests)
  2. கூட்டு பரிசோதனை (integration tests)
  3. இயங்குதளம் நிறுவல் பரிசோதனை (operation system installation tests)
  4. பயனர் இடைமுகம் பரிசோதனை (user interface testing)

இவை எல்லாவற்றையும் செய்தால் ஒரு நல்ல மென்பொருளை தரமாக உருவாக்கலாம் என்பது கணினியியலில் நடைமுறை புரிதல்.

பரிசோதனைகளில் ஏதேனும் ஒருசில பிழைகள் கண்டறிந்தால் அல்லது சில வழுக்களை கண்டறிந்தால் அவற்றை தீர்வு செய்தபின் தாமதாமாக வெளியீடு செய்வதும் நடைமுறை பழக்கம்.

கடைசி கட்டம் என்பது மென்பொருள் வெளியீட்டில் (code freeze) என்ற கட்டத்தை கடந்த பின்பே ஒரு தைரியத்துடன் மென்பொருளை வெளியிடலாம். இதற்க்கு பல குழுக்கள், பொறியாளர்கள் சேர்ந்து உழைக்கவேண்டும். இப்படி குழுக்கள் கிடைக்காத திட்டங்கள் தொடர்-வெளியீடு (agile/நளினமுறை) என்ற படியாக நிரல்களை வெளியீடுக்கு தயார் செய்துகொள்வது சகஜம்.

மென்பொருளில் பிழை/வழு இல்லாத மென்பொருள் என்பதே இல்லை. இதில் உள்ள பொறியியல் சிக்கல் (complexity) கையாள்வதற்கு ஒரு மனிதர் தேவை – இதனை முழுதுமே செயற்கை நுண்ணறிவால் (A.I.) தானியங்கி படுத்தமுடியுமா என்பது காலத்தால் மட்டுமே சொல்லக்கூடிய கேள்வி.

மேலும் மென்பொருள் வெளியீட்டில் உள்ள கடைசி கட்ட, மென்பொருள் உரைதல் என்ற பொறியியல் நிலையை பற்றி அடுத்த அத்தியாயத்தில் பார்க்கலாம்.

-முத்து