எழில் தொகுப்பு – எண் புள்ளி ஒன்பது

எழில்எண்  புள்ளி ஒன்பது இன்று இரண்டு ஆண்டுகள் புள்ளி ஏழு ஏழு வெளியிட்ட பின் வருகிறது. முழு வரலாறு இங்கு.

பைதான் தொகுப்புகள் பெரும் தளத்தில் பெறலாம்: ‘pip install –upgrade ezhil’ என்று கொடுத்தாலே போதும்.

எழில் விரைவில் சில மாதங்களில் பொது பயன்பாட்டிற்கு தயார் நிலை அடைந்துவிடும்.

-முத்து

 

 

எழுதி – நிரலாக்கம் உள்ளீடு இடைமுகம்

எழில் மொழியை சிறுவர்கள் எப்படி கணினியில் தடச்ச்சு செய்ய பழகாதவர்கள் இதனை பயன் படுத்துவார்கள் ? இதனால் எழில் மொழியிலே ஒரு பயனும் அடையாமல் ஆகிவிடும் சந்தர்ப்பம் உள்ளதா ?

இது போன்ற பல கேள்விகள் என்னிடம் கேட்டவர்கள் உண்டு. அதற்க்கு விடை சமீபத்திய எழில் மொழியில் உள்ள ‘எழுதி’ செயலியின் மேம்பாடு  – சொடுக்கும் உதவி பட்டன்கள்.

ezhil_March11_2017

படம் 1: ‘எழுதி’-இல் உள்ள மூன்று பட்டைகளை உள்ள அடுக்கு பட்டன்கள் பல எழில் மொழி குறி சொற்களையும், எழில் மொழி வாக்கியங்களையும் இடைசொருகும் படி அமைக்கப்பட்டன. இது இன்னும் சில மேம்பாடுகள் பின் திரட்டி ஆக்க படும்.

Mac OS X-இல் எழில் இடைமுகம் (GUI) செயலி உருவாக்க நேரிடும் சவால்கள்

3platforms

படம் 1: எழில் மொழி செயலி மூன்று இயங்கு தளங்களில் கிடைக்கும் படி செய்ய திட்டமிட்டோம். ஆனால் மேக் OS X-இல் சற்று தடங்கல்கள் உள்ளன என்று இந்த பதிவில் தெரிவிக்கிறோம்.

சமீப காலமாக packaging எழில் என்பதில் எப்படி github-இல் உள்ள எழில் மொழி நிரல்களை ஒருங்கிணைத்து ஒரு திரட்டியாக செய்து பயனர்கள் தங்கள் கணினிகளில் நிறுவி செயல்படுத்தும் படி செய்யலாம் என்று வேளைகளில் இறங்கி உள்ளேன்.

விண்டோஸ் தளத்தில் 64-bit கணினிகளில் Windows 7, 8, 10, என்பதில் எழில் மொழி செறிவர நிறுவி வேலைசெகிறது என்று நான் பலரிடம் அவரவர்கள் நடத்திய பரிசோதனைகளில் உறுதிபடுத்தி கொண்டேன்.

லினக்ஸ் இயங்கு தளத்தில் எதுவும் ப்ரிச்சனை இருப்பதாக தெரியவில்லை. Ubuntu-விலும்  64-bit கணினியில் சரியாக வேலை செய்கிறது.

அனால் இந்த Mac OS-X இல் மட்டும் எழில் மொழி Github repo-வில் இருந்து console வழி மட்டும் செயல் படுகிறது. எழுதி செயலி window வழி graphical interface GTK-இனை சார்ந்து உள்ளதால் இதற்க்கு Mac OS-X இல் இயக்க சற்று சிக்கல்களாக உள்ளது. காரணம் PyGobject3  Windows மற்றும் Linux தலங்களுக்கு மட்டுமே நிறுவ தயார் நிலையில் உள்ளது. Mac OS-X இக்கு  Gtk-ஐ மூல நிரல்களில் இருந்து மட்டுமே நிறுவும் நிலை உள்ளது என்பதால் இதனை திரட்டி ஆக்குவதும், ‘எழுதி’ செயலியை இயக்குவதும் சற்று கஷ்டமாக / முடியாமல் போனது.

இந்நிலையில் Mac OS-X-இல் எழில் மொழி console இடைமுகம் செயலி நன்றாக வேலை செய்கிறது என்றும் பதிவு செய்கிறேன். வரும் நாட்களில் ஏதேனும் புதிய முன்னேற்றங்கள் இல்லாத பட்சத்தில் எழில் மொழி ‘எழுதி’ இடைமுகம் இந்த தளத்தில் கிடைக்காது – கட்டளை இடைமுகம் மட்டுமே கிடைக்கும்.

உங்களில் எவருக்கும் Mac OS X-இல் GTK அல்லது packaging வல்லமைகளை, பரிந்துரைகள் இருந்தால் பகிரவும்.

-முத்து,

சான் ஓசே, கலிபோர்னியா

எழில் எங்கே போகிறது ?

ezhil_March1_2017.png

படம் :  திருத்தியுடன்  எழில் மொழி  செயலி; நிரல் இடது பக்கம், இயக்கிய வெளியீடு வலது பக்கம். சாளரத்தின் கீழ் இயக்கிய விவரம். இந்த செயலி எழில் படிக்க உதவும்.       (c) 2017 எழில் மொழி அறக்கட்டளை.

 

“எழில் மொழியை எப்படி வெளியீடு செய்வது ?” என்று சப்பென்று தலைப்பை வைத்து மேலும் ஒரு பதிவை எழுதலாம் என்று தொடங்கினேன். அனால் இன்று எனக்கும் பொறுமைக்கும் நீண்ட தூரம் ஆயிற்று. நம்ம மண்ணில் ஜே.கே. போன்றவர் இருந்ததாக கேள்வி, என்னமோ அவர் ஆசியில் ஒரு தலைப்பு. சில வெளிப்பாடுகள் அதுவாக வரவேண்டும், ஸ்வயம்பு போல.

“ஆளே இல்லாத கடையில ஏண்டா டீ ஆத்தூர்?” நக்கலுக்கு தமிழ் எந்த மொழியிர்க்கும் சளச்சது இல்லை. சிலர் நேரில் என்னை, சற்று வெகுளி தனமாக – இங்கு அமெரிக்காவில் முதல் தலைமுறை தமிழர் (எழுதவோ, நல்லா பேசவோ சாகஜமாக வராதவர்) – “ஏன் நீங்கள் தமிழில் மென்பொருள் ரீதியில் செயல்படுகிறீர்கள்” என்று கேட்டார்; என்னமோ செவ்வாயில் குடிபுகுவது போல நான் செய்யும் வேலைகள் எனது நண்பர்களிடமும், முகம் அறியா இணைய நபர்களிடமும் தெரியும். தமிழில் செயல்படுவது எனது சுய உறிமை, சில நேரம் பெருமை, தன்னிரக்கம், அகராதி என்றும் பலர் கூறலாம்; ஆனால், அதில் சமூக பொறுப்பு, அறிவியலாளரின் சமூக பார்வை, அறிவியல் மொழி வளர்ச்சி, தேடல், தொழில்நுட்ப கண்டெடுப்பு, தியானம் போன்ற நுட்ப்பமான  விஷயங்களை மறந்து விடுவார்கள். சில நேரங்களில் எழில் எங்கே போகிறது என்று எண்ணுவேன்; ஆனால் முதலில் அந்த எட்டு வயது குழந்தைகள் நிரலாக்கத்தை தமிழ் வழி கற்பிக்கும் பொது தமிழ் கணிமை உலகம் நாம் அனைவரும் கூடி கண்ட வெற்றி என்பதில் ஐயமில்லை.

எழில் மொழி என்பது பல ஆண்டுகளாக  நான் செய்து வருவது; இதனை முழுமையாக 2013 ஆண்டில் பொது வெளியீடு செய்து இந்நாள் வரை பத்து பங்களிப்பாளர்கள் தங்கள் நேரத்திற்கும், அறிவிற்கும் லாபம் பொருட்படாமல் பங்காளித்துள்ளனர். தமிழ் நெஞ்சங்கள் எங்கும் ஆதரவு அளித்துள்ளனர். அனால் இவர்களின் வேலைகளும் எழில் மொழியில் இலக்கான சிறுவர் கணிமை கற்றலுக்கு கொண்டு சேர்க்க முடியவில்லையே என்று எனக்கு பல நாட்கள் தூக்கம் தொலைந்து போனது.

சமீபத்தில் சில மாறுதல்கள்; எழில் கிட்ஹப்-இல் இருந்தாலும் இதனை ஒரு முழுமை அடைந்த மென்பொருளாக கொள்ள முடியாது. மென்பொருள் என்றால் அதற்க்கு பயனாளர்களின் தேவைகளையும், அவசியமான பயன்பாட்டுகளையும் பூர்த்தி செய்ய வேண்டும். சும்மா மூல நிரலை மூஞ்சியில் விட்டு எறிஞ்சால் யாருக்கும் பயன்படாது.  என்னமோ கோவத்தில் எழுதி விட்டதாக நீங்கள் தப்பாக எடுத்துக்கொள்ள வேண்டாம். சுய விமர்சனமாக எனக்கு கொள்ளுங்கள்.

எழில் மொழியை கடைசி end-user பயனாளர்கிடத்து சேர்த்தால் என்பது என்னுடைய பொறுப்பு என்று ஒரு மூன்று ஆண்டுகளாக உணர்ந்து வருகிறேன். இதனை சிறப்பாக செய்ய எனக்கு ஒரு போர் படை தேவை. பத்து பேர் இருக்கிறார்கள் மீதி வாருங்கள்.

எழில் மொழியில் உள்ள “installer” திரட்டியில் இவை இடம் பெறவேண்டும் என்று எனக்கு தற்சமய நிபந்தனை:

  1. Platform Support: இயங்கு தளங்களில் வேலை செய்ய வேண்டும்:
    1. Windows 64, 32 bit
    2. Linux 64
  2. திரட்டியில் வேண்டியவை : Installer package
    1. எழில் மொழி திருத்தி ; இதனை ‘ezhuthi’ (எழுதி) என்று pygtk-இல் இங்கு இங்கு வடிவமைத்து வருகிறேன்.
    2. எழில் மொழி ezhil module python library
    3. தமிழில் நிரல் எழுது புத்தகம்
    4. தமிழில் நிரல் எழுது புத்தகம் பயிற்சி நிரல்கள்
    5. மேல் நிலை எழில் எ.கா. உதாரணங்கள்
    6. பாடம், ஆசிரியர்களுக்கு உண்டான காணொளி, கேள்வி தாள், வினா-விடை பாட திட்டம்.
  3. பரிசோதனைகள்
    1.  மொத்தமாக நிறுவுதல் பரிசோதனை (அணைத்து தளங்களிலும்)
    2. நிரல் எழுதுவது
    3. கோப்புகளை திறப்பது, இயக்குவது, சேமிப்பது
    4. தனியன்க்கி பரிசோதனைகள் (automatic tests)
    5. பயனர் நடப்பு பரிசோதனை (interactive tests)
  4. வெளியீடு
    1. md5 checksum, zip/exe/tgz package generation and upload to networks
    2. release notes, credits, contribution notes, credits to open-source software

ஒரு தவம், வரம் மறக்கப்படாது – முயற்சி திருவினையாக்கும். கை கூடுவோம், வாருங்கள்.

 

தரவமைப்பு வடிவங்களின் தமிழாக்கம் – கருத்து கணிப்புவிடைகள்

சென்ற வாரம் வெளியிட்ட தரவமைப்பு வடிவங்களின் தமிழாக்கம் – கருத்து கணிப்பு விடைகள் மற்றும் எனக்கு பிடித்த தமிழாக்கம் பரிந்துரைகளையும் இங்கு பதிவு செய்கிறேன்.

முதலில் பங்கேற்ற வர்களுக்கு நன்றி. தமிழ் மொழியில் data structures என்பதன் பெயர்களையும், கருவூலமான அம்சங்களையும் தமிழாக்கம் செய்ய இந்த படிவங்களை நிரப்பவும். உங்கள் உள்ளீடு தமிழ் கணிமையின் வளர்ச்சிக்கு மிக முக்கியமானது.

கருத்து கணிப்பு விடைகள்:

விடைகள்கி ழே; மின் அஞ்சல் மட்டும் சில சுய விவரங்கள் மறைக்க பட்டன. கருத்து கணிப்பில் பங்கேற்ற நிரலாளர்களின் கூடிய சராசரி அனுபவ்வம் 9 ஆண்டுகள்! பட்டியலில் உள்ளது போலவே பல தரவு வடிவங்களுக்கு தமிழாக்கம் பெயர்கள் உடன்பாடு இருந்தது. சிலதில் தவரான பொருள் இடத்து உண்டபாடும் இருந்தது.

பயனர் “stack” என்பது தமிழில் “heap” என்பது தமிழில் “dictionary” or “associative array” என்பது தமிழில் “linked list” என்பது தமிழில் “binary tree” என்பது தமிழில் “graph” என்பது தமிழில் “hash table” என்பது தமிழில் “queue” என்பது தமிழில் “priority queue” என்பது தமிழில் “circular list” என்பது தமிழில்
0 அடுக்கு குவிப்பு அகராதி தொடர் பட்டியல் இரு கிளை மரம் முனை ஓரம் அடைவு எண்குறி அடைவு முறை வரிசை பிரதான வரிசை வட்ட தொடர் பட்டியல்
1 அடுக்கு குவிப்பு அகராதி தொடர் பட்டியல் இரு கிளை மரம் வரைபடம் எண்குறி அடைவு முறை வரிசை முக்கிய வரிசை வட்டவடிவப் பட்டியல்
2 அடுக்கு குவிப்பு அகராதி தொடர் பட்டியல் இரு கிளை மரம் முனை ஓரம் அடைவு கையெழுத்து அடைவு முறை வரிசை முக்கிய வரிசை தொடர் பட்டியல் வட்டம்
3 அடுக்கு குவிப்பு அகராதி தொடர் பட்டியல் இரும மரம் முனை ஓரம் அடைவு சுறுக்கு குறி அடைவு வரிசை முறை முதன்மை வரிசை வட்ட தொடர் பட்டியல்
4 அடுக்கு குவிப்பு அகராதி தொடர் பட்டியல் பின்னாக்கு கிளை வரைபடம் ரகசிய அடைவு வரிசை முதர்சன வரிசை வட்ட தொடர் பட்டியல்
5 அடுக்கு குவிப்பு அகராதி தொடர் பட்டியல் பின்னாக்கு கிளை வரைபடம் ரகசிய அடைவு வரிசை முதர்சன வரிசை வட்ட தொடர் பட்டியல்
6 அடுக்கு குவிப்பு அடைவு தொடர் இருகிளையி எனச்சுருங்கச் சொல்லலாம் முனை ஓரம் என்றோ கோலம் என்றோ சொல்லலாம் எண்குறி அடைவு முறை வரிசை விருப்பவரிசை, முன்னுரிமை வரிசை சுற்றுச்சங்கிலித்தொடர்
7 அடுக்கு குவிப்பு அகராதி தொடர் பட்டியல் இரு கிளை மரம் வரைபடம் எண்குறி அடைவு வரிசை முன்னுரிமை வரிசை வட்டப்பட்டியல்
8 அடுக்கு குவிப்பு தொடர்புறு அணி தொடர் பட்டியல் இரு கிளை மரம் முனை ஓரம் அடைவு எண்குறி அடைவு நேர் வரிசை முக்கிய வரிசை வட்ட தொடர் பட்டியல

பரிந்துரைகள்  – எனக்கு பிடித்த தமிழாக்கம்

எனது பரிந்துரைகளை முன்வைக்கும் முன்னரே எனக்கு உள்ள சில நிபந்தனைகளை சொல்கிறேன்.

நிபந்தனைகள் (criteria)

  1. அறிவியல் தமிழ் அல்லது கணித தமிழில் ஏற்கனவே பயன்பாடு கொண்டதாக இருக்க வேண்டும்; எ. கா. arrays என்றல் அணி என்று ஏற்கனவே உள்ளது
  2. சக்கரத்தை மறுபடி கண்டுபிடிக்க வேண்டாம். உள்ளதை அப்படியே எடுத்து கொள்ளலாம்.
  3. கணிமை சொற்களுடன் எளிதாக எழுதும் வகையில், பேசும் வகையில் இருக்கவேண்டும்
  4. நடைமுறை, இயல்பு தமிழ், மற்றும் கணிமை கோட்பாடுகளை சரியே குணாதிசியங்களை போதிக்கும் திறன் கொண்ட சொற்களாக அமைய வேண்டும்.

பரிந்துரைகள்

  1.  array அணி
  2.  set கணம்
  3. stack அடுக்கு
  4. heap குவிப்பு
  5. dictionary அடைவு, தொடர்புறு அணி
  6. linked list தொடர் பட்டியல், தொடர்
  7. circular list வட்ட தொடர் பட்டியல்
  8. graph நுனி ஓரம் / முனை ஓரம் அடைவு
  9. queue முறை வரிசை, நேர் வரிசை
  10. priority queue முன்னுரிமை வரிசை, முதர்சன வரிசை
  11. hash table எண்குறி அடைவு, சுறுக்கு குறி அடைவு
  12. binary tree  இரும மரம், இரு கிளை மரம்

நிறைய பெயர்கள் எ. க. ‘dictionary’ என்பன நேர்வழி தமிழில் ‘அகராதி’ என்றும் ‘graph’ என்பது ‘வரைபடம்’ என்றும் மொழி பெயர்க்க முடியாது – கணினி தரவமிப்பில் தமிழில் இதை அடைவு அல்லது தொடர்புறு அணி என்று சொன்னால் சரியாக இருக்கும்; ‘graph’ என்பது ‘கோலம்’ அல்லது ‘முனை ஓரம அடைவு’/’நுனி ஓரம் அடைவு’ என்றும் சொன்னால் பொருளளவில் தமிழாக்கம் செய்யப்படும்.

 

(replica of) "Thinker" statue by Auguste Rodin, at the Baltimore Art Museum at the Johns Hopkin's University.

மூளை குளம்பி – மைய கணினியை செயல்படுத்தும் எந்திர மொழி (Brain F**k interpreter in Ezhil language)

மூளை குளம்பி மைய கணினியை செயல்படுத்தும் எந்திர மொழி

(பாகம் 1)

(replica of) "Thinker" statue by Auguste Rodin, at the Baltimore Art Museum at the Johns Hopkin's University.

(replica of) “Thinker” statue by Auguste Rodin, at the Baltimore Art Museum at the Johns Hopkin’s University. (C) 2016, M. A.

கணினியை செயல்படுத்துவது அதன் மூலமான மைய கணினி; கணினியில் செயல்படும் அனைத்திற்கும் மூலமாக அமைவது அதன் மைய கணினி, மற்றும் அந்த மைய கணினியின் assembly மொழி (instruction set). சும்மா சொல்ல வேண்டுமானால் iPhone-இல் இருந்து, மடி கணினி, கைபேசி என்ற எல்லா செயலி சவுரியங்களுமே இதை போன்ற அடிப்படையில் தான் அடுக்கடுக்காக மென்பொருள்களை கொண்டு வடிவமைக்க பட்டுள்ளன.

அது சரி, அனால் இந்த எந்திர் மைய கணினியிர்க்கும் கணிமைக்கும் என்ன தொடர்பு ? இதனை சிறிதளவில் இந்த தொடரில் ஆறாயலாம். எந்திர மொழி ஒன்றை எழில் வழி செயல்பட செய்வது பற்றியும் இந்த கட்டுரை தொடரில் (இரு பாகங்களாக) நாம் பாற்கலாம். இந்த கட்டுரை சற்று கணினி நிரலாக்கத்தில் அறிமுகம் பெற்றவர்களுக்கு மேலும் விளங்குவதாக தோன்றும். இந்த கட்டுரைக்கு இணைந்த எழில் நிரல் மற்றும் மென்பொருள் உங்கள் பயன்பாட்டிற்கு அளிக்கப்படுகிறது.

மூளை குளம்பி மொழி [1] என்பது P” என்ற 1964-இல் உருவாக்கிய மொழியில் இருந்து உருவாக்கப்பட்டது. இந்த மொழியில் ‘+’, ‘-’, ‘[‘, ‘]’ , ‘>’, ‘<’ போன்ற செயலுறுபுகள் என்பதில் இருந்து ,மைய கணினி ஒன்றை உருவாக்கும் திறன் பெற்றது. மூளை குளம்பி என்ற மொழியில் வெளியிடு என்பதற்கு ‘.’ என்றும், உள்ளீடு என்பதற்கு ‘,’ என்றும் கூடுதலாக கொண்டாது.

செயலுறுபு விளக்கம் – (Operators)

  1. >’, ‘<‘ – செயலுறுபு நினைவகத்தை குறிக்கும் இடத்தை முன் அல்லது பின் திசையில் ஒரு இடம் அளவு மாற்றும்

  2. +’, ‘-‘ – செயலுறுபு நினைவகத்தின் மதிப்பை கூட்டும் அல்லது கழிக்கும்

  3. [‘, ‘]’ – செயலுறுபு நிரலின் இயக்கம் பகுதியின் அடுத்த அடைவுகுரிப்பிபிற்கு ‘]’, அல்லது தொடங்கும் குறி ‘[‘ –இற்கு தாவும் படி குறிக்கும்

  4. ,’ ’.’ – என்ற செயலுறுபு உள்ளிடு, வெளியீடு, குறிக்கும்

இன்று நாம் “மூளை குழம்பி” என்ற ஒரு மொழியை பற்றியும் புரிந்து கொண்டு இதனை செயல்படுத்தும் ஒரு எந்திரத்தை எழில் மொழியில் உருவாக்கலாம்.

மூளை குழம்பி மொழியின் அம்சங்கள்; இந்த மொழியில் எண்களை எப்படி எழுதுவது, எண்களை கூட்டுதல், “Hello World” என்று அழைப்பது எப்படி? என்றெல்லாம் உள்ள கேள்விகளுக்கு விடை காணலாம்.

அடுத்த படியாக, மேலும், எழில் மொழியில் எப்படி ஒரு மூளை குளம்பி உள்ளீடை புரிந்து இயங்கும் படி செயல்படும் செயலியை உருவாக்குவது என்றெல்லாம் பற்க்கலாம்.

இந்த மொழியில் நிரல்களை எழுதுவது ஒரு ஆதிகணினி மொழி அல்லது Turing Machine என்பதை போல் ஒரு தோற்றம் அளிக்கும். இதில் ஒரு எண்ணலி நீளமான பேப்பர் ஒன்றை நினைவகமாக கொண்டு ஒரு பேனா ஒன்றையும் கொண்டது. இந்த பேனாவை கொண்டு பேப்பரில் உள்ள கட்டங்களில் ‘1’ அல்லது ‘0’ என்று எழுதலாம்; அதாவது ‘1’ என்று எழுதினால் எழுதுவதாகவும், ‘0’ என்று எழுதினால் அழிப்பதாகவும் பொருள். நாம் நிரல் இயக்கத்தை தொடங்கும் பொழுது பேப்பர் நினைவகம் முழுவதும் ‘0’ (பூஜ்யம்) என்ற நிலையில் உள்ளதாக கொள்ளலாம் [2].

image1

படம்: டுரிங் எந்திரத்தின் பேப்பர் நினைவகமும், இயக்கம் முனையும்; [3]

  1. கணினி மொழிகள் அனைத்தும் ஒன்றுடன் ஒன்று டுரிங்எந்திரத்தின் வரையரைக்குள் சமன்பாடு கொண்டது (Turing-Completeness).

  2. ஒரு கல்குலேடர் (கணிப்பான்) செயல்படுத்தும் திறன் கொண்ட மொழி ஒன்றை உருவாக்கினால் இந்த மொழி டுரிங் மொழி என்பதற்கு சமன்பாடனது; இது போன்ற மொழியை இயக்கும் சக்தியுடைய எந்திரம், (Turing Machine) டுரிங் எந்திரம் என்பதற்கு சமமாகும்.

எண்களை எப்படி குரியீடுவது ?

இந்த மாதிரி ஒரு எந்திரத்தில் முதலில் நாம் எண்களை எப்படி குரியீடுவது ? இவ்வாறு கணினியில் ஏற்றிய எண்களை கொண்டு எப்படி கணிப்பது ? இந்த மொழியில் நிபந்தனை கூறுகளை எப்படி எழுதுவது ? இதனை நாம் இந்த கட்டுரை பிரிவில் காணலாம்:

எண்களை நாம் பேப்பர் நினைவகத்தில் ‘1’ என்று எண்ணின் மதிப்பின் அளவிற்கு அத்தனை முறை குறியீடவும்; .. 5 என்ற எண்ணை ‘11111’என்று அடுத்தடுத்த பேப்பர் நினைவகத்தின் கட்டத்தில் குறியிடலாம். இதற்க்கு எப்படி நிரல் எழுதுவது ? பேனாவை கொண்டு முதலில் ‘1’ என்று எழுத ‘+’ என்ற செயலுருபை பயன்படுத்தலாம். அடுத்த பேப்பர் கட்டத்திருக்கு செல்ல ‘>’ என்ற செயலுறுபை பயன்படுத்தலாம். மொத்தமாக, நினைவகத்தில் ‘11111’ என்று எழுத, ‘+>’ என்று ஐந்து முறை எழுதினால் ‘+>+>+>+>+>’ என்பது 5 என்ற எண்ணை குறியிடும் மூளை குளம்பி நிரல் ஆகும்.

இப்பொழுது P” மொழியில், மூளை குழம்பி மொழியில் உள்ள நினைவகத்தில் எந்த 8-பிட் எங்களையும் சேமிக்கலாம் என்றால், இதே எங்களை குறியீடும் நிரலை, 5 என்ற எண்ணை ‘+++++’ என்றும் எழுதலாம்.

தாவும் தன்மை உடைய மடக்கு கட்டளைகள்

இப்பொழுது இந்த மொழியில் மடக்கு வாக்கியத்தை எப்படி செயல்படுத்துவது என்று பார்க்கலாம். மடக்கு வாக்கியம் தொடக்கத்தை குறி ‘[‘ என்றும், இதன் முடிவை குறி ‘]’ என்று குறியிடலாம். இதன் பொருள், குறி ‘[‘ என்ற கட்டளையை கண்டபின் , தற்போது உள்ள பேப்பர் நினைவகத்தின் மதிப்பு பூஜியத்தின் அளவை விட கூடுதலாக இருந்தால் தொடரும் கட்டளைகளை இயக்கும்; இல்லையெனில் இதனை ஒடுத்த (பின்னால் வரும்) குறி ‘]’ முடிவு கட்டளையின் பின் வரும் கட்டளைகளுக்கு செல்லும் (தாவும் – Jump என்றே கொள்ளலாம்).

இதே போல் ‘]’ முடிவு கட்டளை, மடக்கு வக்கியதினை பழயபடி தொடங்கும் (இதனை ஓடுத்த, முன்னால் வரும்) குறி ‘[‘ கட்டளையிற்கு செல்லும். இதில் ஒப்பீடு என்றும் ஏதும் இல்லை.

எண்களை கூட்டுதல் எப்படி ?

மடக்கு கட்டளைகை கொண்டு எப்படி இரண்டு எண்களை கூட்டுவது ? நமது கணினியில் ஏற்கனவே 9, 10 என்ற எண்கள் நினைவகத்தில் உள்ளன என்று கொள்வோம்; இப்போது இரண்டாவது எண் 10-உடன் 9-முறை 1-ஐ கூட்டினால் நமக்கு விடை கிடைத்துவிடும் அல்லவா! இதை எப்படி மூளை குளம்பியில் எழுதுவது ? இது சிறிது சாதாரணமான மடக்கு வாக்கியத்தால் முடியும்,

[->+<]

இந்த நிரல் இயங்கியபின் நினைவகத்தில், 0, 19, என்று தோன்றி 19 உங்கள் விடை ஆகும். இதனை திரையில் இட, ‘.’ என்பதை சேர்த்துகொள்ளுங்கள்

[->+<].

மேலும் இந்த நிரல் ஏதேனும் இரண்டு எண்களை கூட்டவும் உதவும், 9, 10 மட்டுமல்ல!

முடிவிலா விடுகதை

இந்த மொழியில் தவறாக

+[]

என்று எழுதிவிட்டால் உங்கள் நிரல் இயங்குவதற்கும், முடிவதற்கும் எவ்வளவு நேரம் ஆகும் தெரியுமா ? யோசித்து பருகளேன்! விடை அடுத்த அத்தியாயத்தில்.

Hello World” என்று அழைப்பது

மேல்கண்ட அம்சங்களை ஒருங்கினைத்து ஒரு வணக்கம் உலகம் (“Hello World”) என்று வெளியிடுவதற்கு ஒரு மூளை குளம்பி நிரலை இப்படி எழுதலாம்,

++++++++[>++++[>++>+++>+++>+<<<<-]>+>+>->>+[<]<-]>>.>—.+++++++..+++.>>.<-.<.+++.——.——–.

மேல்கண்ட அம்சங்களை ஒருங்கினைத்து ஒரு (மென்பொருளில்) எந்திரம் ஒன்றை நிரல்படுத்துவது பற்றி அடுத்த அத்தியாயத்தில் விளக்கத்துடன் பார்க்கலாம். அதுவரை இந்த நிரலை எழில் மொழி வழி இயக்குவதற்கு மூல நிரலுக்கு இங்கு github-இல் பார்க்கவும் [4].

(அடுத்த அத்தியாயத்தில் எழில் வழி இந்த மொழியை இயக்குவது பற்றி பற்கலாம்)

மேற்கோள்கள்

  1. மூளை குளம்பி மொழி https://en.wikipedia.org/wiki/P′′

  2. கணினியின் கோட்பாடுகளை கண்டறிந்த மேதை அலன் டுரிங்

  3. டுரிங் எந்திரம் விக்கிபீடியா

  4. எழில் வழி மாதிரி இயக்கி